Om prosjektet/arbeidsoppgåver: Prosjektet er tverrfagleg i skjeringspunktet mellom utrekningsmatematikk, bildebehandling, medisin og teknologi. Kandidaten vil jobbe med modellering av væskeflyt i organ som hjerne eller nyre, dataassimilering for modellen og validering mot medisinske bildeopptak (MRI/CT).

Kvalifikasjonar og eigenskapar:
- Søkjarar må ha oppnådd mastergrad i anvend matematikk, informatikk, fysikk eller tilsvarande.
- Masterstudentar kan søkje dersom dei skal fullføre sin avsluttande mastereksamen innan 31. juli 2017. Mastergraden må vere oppnådd før ein kan tiltre stillinga.
- Kandidatar må tilfredstille krava til opptak til ph.d. programmet ved Universitetet i Bergen.
- Kandidaten må ha ein sterk bakgrunn i matematikk, erfaring med numeriske metodar og programmering (Matlab, Python, C++); erfaring med matematisk modellering (helst kontinuumsmekanikk, fluidmekanikk eller tilsvarande).
- Arbeide sjølvstendig og strukturert og ha gode samarbeidsevner.
- Nytte engelsk skriftleg og munnleg

Om forskarutdanninga: Som stipendiat skal du delta i eit godkjent utdanningsprogram for ein ph.d.- grad innanfor ei tidsramme på 3 år. Det er ein føresetnad at du fyller krava for opptak til ph.d.-studiet ved Universitetet i Bergen.

Endeleg plan for gjennomføring av forskarutdanninga skal vere godkjend av fakultetet innan tre månader etter at du har teke til i stillinga.

Vi kan tilby:
- eit godt og fagleg utfordrande arbeidsmiljø.
- løn etter lønssteg 50 (kode 1017 /LR20, alternativ 8) i det statlege lønnsregulativet. Vidare opprykk skjer etter tenesteansiennitet i stillinga.
- medlemskap i Statens pensjonskasse.
-stilling i ei inkluderande arbeidslivsverksemd (IA-verksemd).
-gode velferdsordningar.